Midaog si Pinoy boxer John Riel Casimero batok kang Luis Nery sa ilang away.
Nakuha ni Casimero ang kadaugan pinaagi sa Technical Knockout sa ikaupat nga round sa maong laban nga gipahigayon sa Japan.
Sa unang round pa lamang, napukan na ni Casimero si Nery, ug gisundan pa kini sa ikaduhang round ug ikatulong round.
Pagsulod sa ikaupat nga round, padayon nga gidomina sa 37-anyos nga si Casimero ang away hangtod nga hingpit niyang napukan ang Mexican nga boksidor.
Sa pagkakaron, si Casimero adunay rekord nga 36 ka daog, lima ka kapildihan ug usa ka draw, diin 25 niini pinaagi sa knockout .
Samtang si Nery adunay rekord nga 37 ka daog ug tulo ka kapildihan. Mipahapyaw usab si Casimero kang Naoya Inoue, ug miingon nga gusto niya kining maatbang sa umaabot nga panahon.
