John Cabang Tolentino nga nag-witdraw kaniadto sa Paris Olympics nagdaog og gold medal

Kaniadtong Agusto 2024, usa ka oras lang gyud una ang opisyal nga pagsugod sa men’s 110m hurdles competition sa Paris Olympics, nag-post si John Cabang Tolentino nga nagapangayo og pasensya sa mga Pilipino tungod dili niini marepresenta ang Pilipinas tungod sa nasinatian nga hip injury.

Una mahuman ang 2025, gisigurado niini nga makabawi.

Nagpatigbabaw siya sa mao gihapon nga event sa 33rd Southeast Asian Games.

Ang iyang oras nga 13.66 seconds mao ang nagguba sa record nga 13.69 seconds nga ginahuptan ni Jamras Rittidet sa Thailand kaniadtong 2015 SEA Games.

Si Tolentino mao ang nagdala og una nga gold medal alang sa Pilipinas sa Athletics sa 33rd edition sa nasampit nga biennial meet.