JM Ibarra, gikumpirma ang pagpangulitawo kang Fyang Smith

Gikompirmar ni JM Ibarra nga padayon pa niyang gipanguyaban si Fyang Smith bisan pa nga mas nagkalalom na ang ilang relasyon karon.

Matod ni JM, wala sila nagdali sa ilang sitwasyon ug mas gusto nilang magtinabangay una sa pagkab-ot sa ilang mga pangandoy sa kinabuhi.

Giingon usab ni Fyang nga consistent gihapon si JM sa iyang pagpangulitawo ug malipayon siya nga pabor usab ang iyang mga ginikanan sa aktor, ilabi na ang iyang amahan.

Dugang pa niya, mas milalom ang ilang pag-ila sa usag usa human sa ilang mga kasinatian nga nag-uban sila.

Samtang si JM miingon nga mas nagkasinabtanay sila karon ug daghan na usab silang mga butang nga pareho og gusto ug panan-aw sa kinabuhi.