GENERAL SANTOS CITY — Puno sa kalipay ug pagpasalamat si Jinkee Pacquiao human niyang ibutyag sa social media ang iyang pagbati isip lola .
Matod pa ni Jinkee, nagsugod ang usa ka bag-ong hugna sa iyang kinabuhi sukad siya nahimong inahan sa iyang anak nga si Emmanuel Pacquiao Jr. ug karon, sa dili na madugay, mamahimo na siyang usa ka lola.
Iyang giingon nga dali ra gyud molabay ang panahon kay kaniadto siya pa ang nagkarga sa iyang anak, apan karon, iyang apo na ang iyang pagadad-on.
Gipadayag usab niya ang dakong pagpasalamat sa Ginoo sa tanang panalangin ug sa maayong kahimtang sa ilang pamilya.
Sa laing bahin, gipakita ni Jinkee ang kalipay sa ilang gender reveal party nga gipahigayon uban sa pamilya ug mga higala.
Puno kini sa katawa ug kasadya human iyang isaysay nga sayop ang iyang tinuohan nga lalaki ang bata, apan babaye diay.
May premyo pang $100 alang sa makatama ug mao nga nagmalipay ang grupo nila Janet ang kaluha ni Jinkee nga misakto sa ilang tagna.
Dugang pa nga excited na silang tanan nga makita ang ilang baby girl sa sunod nga bulan ug proud siya nga mamahimong usa ka Mammita.
Daghang netizens ang nagpaabot sa maong panibag-ong bahin sa pamilya Pacquiao uban ang ilang mainitong pagdayeg ug pag-ampo.
