Gibutyag ni Jin sa BTS nga fan kaayo siya ni Bruno Mars ug ganahan siya nga makig-collaborate kaniya kung hatagan og higayon.
Sa usa ka interview, si Jin (Kim Seok-jin) miingon nga iyaha ginakanta kanunay ang “Just the Way You Are” sa wala pa siya nag-debut.
Ganahan usab siya sa kanta nga “APT” nga kolaborasyon ni Bruno Mars ug Blackpink member nga si Ro’se.
Gipaambit usab ni Jin nga kanunay siyang maminaw sa iyang kaugalingong album nga “Echo,” nga gi-release niadtong Mayo, tungod kay bag-o lang niya kini mapaminawan og padayon.
Nangandam na usab ang K-pop star sa iyang concert tour nga sugdan sa Goyang, South Korea karong Hunyo, hinungdan nga nibalik na siya sa pag-workout.
Si Jin ang unang miyembro sa BTS nga nakakompleto sa mandatory military service, ug sukad niadto nagkapuliki sa mga solo nga proyekto sama sa web variety show nga “Run Jin” ug reality show nga “Kian’s Bizarre B&B.”
Sa laing bahin, si RM, V, Jimin, ug Jungkook bag-o lang gi-discharge sa serbisyo militar, nga nakapahinam sa ilang mga fans sa dugay nang gipaabot nga pagbalik sa BTS isip kompletong grupo.
