-- ADVERTISEMENT --
Gilista ni Jhul Ian Cañalita sa Central Visayas ang iyang pangalan sa kasaysayan sa Palarong Pambansa 2025 human nga gilabwan ang 27 ka tuig nga rekord sa secondary boys’ 5000m run ning adlawa sa Ferdinand E. Marcos Memorial Stadium sa Laoag, Ilocos Norte.
Ang 16-anyos nga atleta nagtala og oras nga 15 minutes og 16.31 seconds kung asa napildi niini ang kanhi record ni Cresencio Cabal nga 15:38.4 niadtong 1998 sa Bacolod.
Samtang, nasungkit usab ni Elmer Dizon sa Cagayan Valley ang silver medal nga adunay oras nga 15:22.91, samtang si Welmer Jeck Labraador sa Western Visayas ang nakakuha og bronze medal sa oras nga 15:25.84.
