Mipahibalo ang British singer nga si Jessie J nga mopahulay siya sa social media aron mag-focus sa iyang pagkaayo, pagpahulay ug paggahin og panahon uban sa iyang pamilya human sa duha ka tuig nga puno sa dagkong kausaban ug mga hagit sa iyang kinabuhi.
Matud niya, okay ra siya apan gibati niya nga panahon na aron mohunong kadiyot ug hatagan og higayon ang iyang kaugalingon nga maka-‘recharge’.
Lakip sa dagkong panghitabo sa iyang kinabuhi sa miaging duha ka tuig ang pagpagawas sa iyang unang album sulod sa walo ka tuig, pagbalhin sa UK, pag-atubang ug pagkaayo gikan sa breast cancer, pag-tour sa nagkalain-laing nasud ug pag-atiman sa iyang anak.
Niadtong Hunyo 2025, na-diagnose siya og early-stage breast cancer ug miagi og ‘mastectomy’, samtang niadtong Mayo iyang gipadayag nga cancer-free na siya.
Sa pagkakaron, nangandam siya alang sa iyang ikaduhang ‘reconstructive surgery’ nga may kalabotan sa iyang ‘cancer treatment’ ug gusto usab niyang mas mahatagan og panahon ang iyang tulo ka tuig nga anak nga si Sky.
Gipasabot ni Jessie nga dili siya hingpit nga mawala sa social media ug posible siyang mobalik alang sa trabaho, apan gusto niyang mopahuway ug mobalik lamang kung mobati na siyang husto nga panahon.
