Giendorso ni kanhi Cavite 4th District Representative Kiko Barzaga ang kandidatura sa iyang inahan nga si Dasmariñas City Mayor Jenny Barzaga alang sa umaabot nga special elections sa ika-upat nga distrito sa Cavite.
Sa iyang social media post niadtong Biyernes, giingon ni Kiko nga nalipay siya nga ipaila ang iyang inahan nga dili na bag-o sa politika ug adunay kasinatian sa pagdumala.
Niadtong Hulyo 17, opisyal nang nagfile og certificate of candidacy o COC si Mayor Jenny Barzaga. Makigkompetensya siya batok sa upat pa ka kandidato alang sa maong posisyon sa special elections sa distrito.
Matud ni Mayor Jenny, magpadayon siya sa pag-alagad sa mga Dasmarineño ug ipadayon ang kalamboan sa Dasmariñas City uban ang pagsalig ug suporta sa katawhan.
Samtang, gipahayag usab ni Kiko Barzaga nga dili na siya modagan pag-usab sa maong special elections. Matud niya, mas pilion na lamang niya ang pagpahuway ug pagbakasyon kaysa mosalmot pag-usab sa eleksyon.
Kahibaluan nga na-expel si Barzaga sa Kamara niadtong Hunyo 2 human aprubahan sa mayorya sa mga kongresista ang pagpalagpot saiya. Nakaserbisyo siya isip representante sa ika-upat nga distrito sa Cavite sulod sa hapit 11 ka bulan.
