Natapos sa usa ka makasaysayanong pamaagi ang snowy snap election sa Japan.
Kini nahitabo human ang koalisyon ni Japanese Prime Minister Sanae Takaichi, ang unang babaye nga Prime Minister sa kasaysayan sa Japan, ang gitawag nga “fourth largest economy” sa kalibutan, nakakuha og dakong kadaugan.
Ang Liberal Democratic Party (LDP) nakadaog og sobra sa 310 gikan sa 465 ka lingkuranan sa ubos nga balay balauranan sa Japan, ang unang higayon sukad sa Ikaduhang Gubat sa Kalibutan nga ang usa ka partido nakakuha og two-thirds majority vote.
Si Takaichi napili isip bag-ong PM sa Japan niadtong Oktubre 21 sa miaging tuig. Siya usab mao usab ang lider sa nagmandong LDP, apan tungod kay ang partido napakyas sa pagdaog sa mayoriya sa duha ka balay balauranan, si Takaishi nagpatawag og snap election aron makakuha og direktang mandato gikan sa katawhan.
Gipahalipayan usab ni US President Donald Trump si Takaichi sa iyang kadaugan. Nakadawat si Takaichi og talagsaon nga pag-endorso gikan sa Presidente sa US. Sa tinuod lang, giimbitar pa gani ni Trump si Takaichi nga mobisita sa White House niadtong Marso 19.
Sa pagkakaron, ang Japan nag-atubang og daghang mga hagit lakip na ang paspas nga pagkatigulang sa populasyon, pagsaka sa gasto sa panginabuhi, paghuyang sa yen, ug nagkagrabe nga relasyon sa China human sa pahayag ni Takaichi nga ang Japan mahimong manghilabot sa panagbangi sa Taiwan.
