Gipawalay sala sa Sandiganbayan’s 2nd Division ang negosyante nga si Janet Napoles sa kaso niini nga graft ug malversation.
Kauban ni Napoles ang kanhi labaw sa National Livelihood Development Corporation (NLDC) ang gihilway sa kaso may kalabutan sa Priority Development Assistance Fund (PDAF) scam .
Sa gipagawas nga 98 ka panid nga desisyon nga gisulat ni Associate Justice Arthur O. Malabaguio nga gipagawas September 18, 2024.
Sumala sa korte nga pakyas ang piskalya nga magpresenta ug lig-on nga ebedinsya nga muduot kang Napoles sa gikalambigitan nga kaso.
Gipawalay sala kauban ni Napoles silang NLDC President Gondelina Amata ug Assets Management Division Chief Gregorio Buenaventura .
Kini kalabutan sa pag divert sa PHP5 million gikan sa Priority Development Assistance Fund (PDAF), nga gitagana kang kanhi La Union Rep. Victor Francisco Ortega alang sa Social Development Program sa Farmers Foundation Inc., usa ka non-government organization (NGO) nga naglambigit kang Napoles.
Bisan sa acquittal magpabilin gihapon si Napoles sa detention sa Correctional Institution for Women gumikan sa pagka kombikto sa plunder, multiple counts of graft, malversation of public funds, and corruption of a public official.
