Gihimakak sa actor nga si Jameson Blake ang tsismis nga siya ug ang iyang kauban sa industriya nga si Barbie Forteza nga adunay relasyon.
Kini human nakit-an ang duha nga nag-holding hands atol sa usa ka fun run.
Sa usa ka episode sa vlog ni Ogie Diaz niadtong Hulyo 4, iyang gipaambit ang mensahe ni Blake diin giklaro sa aktor nga wala silay relasyon ni Forteza.
Matod niya nga nakuhaan lang sila og picture nga nag-holding hands tungod kay daghan ang mga tawo nga nagpa-picture nila.
Dugang ni Blake nga nagpatabang lang siya kang Forteza nga makagawas sa maong kalihukan tungod sa kadaghan sa mga tawo.
Nagsugod ang espekulasyon sa relasyon human sila makita nga magkauban atol sa usa ka fun run sa Pampanga niadtong Hunyo, ug kaniadto usab nga nagkauban sa “Takbo para sa Pelikulang Pilipino” niadtong Mayo.
Sa pagkakaron, wala pay pamahayag si Forteza bahin sa maong isyu.
Mag-uban ang duha sa umaabot nga pelikulang “Kontrabida Academy” kauban si Eugene Domingo.
Sa laing bahin, si Forteza usab nahimong estorya sa mga tawo human makit-i ang kanhi uyab nga si Jak Roberto sa usa ka kalihokan niadtong Hunyo.
Giklaro sa aktres nga dili na siya gustong maghisgot sa ilang panagbuwag isip respeto sa ilang kagahapon.
