GENERAL SANTOS CITY – Nabalhin na si J/Supt. Peter Bongat sa regional office sa Bureau of Jail Management and Penalogy (BJMP) 12 sa Koronadal City.
Matud pa ni Bongat siya ang na-promote isip Assistant Regional Director for Operation of BJMP 12.
Sumala pa sa nasampit nga opisyal nga sa miaging Agusto 6, 2020 gibalhin sa regional office.
Gipasalamatan ni Bongat ang mga personahe sa General Santos City Jail sa kooperasyon ngadto kaniya sulod sa dul-an sa tulo ka tuig niini nga pagserbisyo.
Si J/Supt. Metz Milton T. Placencia gikan sa Bicol Region ang mipuli kang Bongat.
Gipasigarbo usab sa nasampit nga opisyal nga sa sulod sa tulo ka tuig samtang siya ang labaw sa GenSan City Jail giila kini isip ”Best City Jail” sa tibook Rehiyon-12.
Gawas pa niini nakadawat usab og Orchid Award ang GenSan City Jail sulod sa tulo ka sunod sunod nga tuig gumikan sa hugot nga kampanya batok sa pagpanigarilyo.
Naglaum kini nga mapadayon ang kalambuan og mga proyekto sa city jail ni Supt. Placencia.
