Personal nga gibisita ni Italian Prime Minister Georgia Meloni si Pope Francis sa Gemelli hospital sa Rome.
Gibutyag ni Meloni nga malipayon ang Santo Papa dihang makita siya kung asa alerto kini og responsive.
Dugang pa niini nga nahimo pa sa 88-anyos nga Santo Papa nga mag-joke og kanunay nga nagapahiyom.
Giampo usab niini ang paspas nga pag-ayo sa Santo Papa.
Kahinumduman nga sa miaging semana pa dihang gidala sa ospital ang Argentinian Pope tungod sa bronchitis.
Human ang pipila ka pagsusi migawas nga nakaangkon si Pope Francis og pneumonia sa duha ka baga niini hinungdan gitambagan sa iyang mga doktor og dugang nga pagtambal og pahulay.
Sa ulahing pahibalo sa Vatican, sumala pa nga padayon ang pag-ayo sa Santo Papa.
Maayo man ang pagkaon niini og makabakod gikan sa iyang higdaanan aron mulingkod sa lingkuranan.
