GENERAL SANTOS CITY – Makaalarma na matud pa ang sitwasyon karon sa Itay tung0d sa nagpadayong bahad sa coronavirus disease COVID-19.
Kini tungod padayon ang pagsaka sa ihap sa mga namatay tungod sa maong sakit.
Sa pakighinabi sa Bombo Radyo GenSan, gibutyag ni Tony Napolitano, usa ka Italian national nga gikabalak-an kung unsa na lamang ang mamahimong sitwasyon sa mga tambalanan sa Italy kung ugaling magpadayon pa sa pagsaka ang ihap sa mga nataptan sa virus.
Sa karon, kapin sa 3,000 katao na sa Italy ang nataptan sa covid 19.
Gidugang ni Napolitano nga sipasiradhan sa gobyerno sa Italy ang tanang mga eskwelahan niini sugod kagahapon hangtod Marso 15 aron mapugngan ang pagkatag pa sa virus. Giangkon nga kasamtangan kining gipailawom sa 15 days home quarantine human nga sa pag-uli niini sa Italy gikan sa Pilipinas, miagi kini sa Hong Kong.
Mahuman ang home quarantine niini sa Marso 10, 2020 una pa tugutan nga makabalik sa iyang trabaho.
Mikunhod na matud pa ang ihap sa mga turistang gasulod sa ilang nasud.
