GENERAL SANTOS CITY – Gikumpirma mismo ni Pangulong Ferdinand Marcos Jr nga usa na ka Special Economic Zone ang Tupi Information Technology kon IT Park sa Tupi, South Cotabato.
Kini base sa Proclamation No. 530 nga gipermahan sa Pangulo nakalabay nga mga adlaw.
Sa pamahayag ni South Cotabato Governor Reynaldo Tamayo Jr nga nahimutang ang IT park sa usa ug tunga sa ektarya nga luna sa munisipyo sa Tupi ang patukuran sa mga high rise buildings alang sa mga investors, IT companies ug business process outsourcing kon BPO companies.
Gikadugang ni Governor Tamayo nga gilangkuban kini sa development plan ug structural plan aron nga sugdan ang construction una mahuman ang kasamtangan nga tuig.
Dugang pa niini nga ang Tupi IT Park ang gilauman nga makahatag og kapin sa 10, 000 ka mga trabaho ug kadaghanan sa mga itanyag nga trabaho ang mga IT-related jobs sama sa software developer, call centers ug uban pa.
