GENERAL SANTOS CITY – Mamahimo nga malikayan ang insidente sa hacking sa computer data sama sa nahitabo karon didto sa Estados Unidos.
Gisulod sa mga computer hacker ang dagko nga kompanya lakip na ang pipila ka departamento sa White House.
Matud ni Geoman Yabes, usa ka IT developer nga layo sa peligro ang mga yano nga tawo nga hilabtan sa hacker ang ilang mga computer data.
Wala matud pay makuha ang mga nagahimo niini sa mga ordinaryo nga tawo apan niadtong mga kompanya ug mga celebrity possible sila ang mamahimo nga target.
Gipaklaro niini nga sa dakong kumpanya mamahimo nga sudlon sa virus ang computer data kung tag-iya o nag abli sa computer ang magpataka ug abli sa dili beripikado nga apps, o kaha pag install ug apps.
Tambag niini nga dili dayon dawaton ang unsa nga apps apan tan-awon pag-ayo ang URL kon address kay naa sa computer.
Isip usa ka IT developer aduna matud pay tulo ka matang ang hacker ug kini ang white, black ug gray.
Ang white hacker daw susama sa barangay nga sila mismo ang mu-hack sa files ug sila usab ang mangita ug solosyon.
Samtang ang black kinaiya matud pa sa usa ka kawatan samtang ang gray musulod sa system ug kung mamakita ug tsana nga magpabayad iya kining himuon.
