GENSAN – Hangtud karon wala pa naresolba ang isyu kalabutan sa share sa syudad sa STL lakip ang gitawag nga local police.
Gumikan niini may laing hugna sa committee hearing kalabutan sa operasyon sa STL kung matubag na ang mga pangutana ni Kagawad Franklin Gacal, ang chaiperson sa Committee on Games ang Amusement.
Samtang, gihatagan na ug katungod ang mga city councilors nga magdesisyon kung pila ka mga outlets ang ipatukod sa STL kung mag-operate sa syudad.
Matud pa ni Atty Doan Balboa ang executive assistant sa CMO nga kung may STL outlets, depende sa gidaghanon sa mga tawo sa usa ka barangay.
May barangay matud pa nga dili pwede lima ka buok ang STL outlets gumikan gamay lang ang populasyon.
Kahibaluan nga gibutyag sa hearing sa mga city councilors nga 45 ka STL outlets ang gusto sa LGU Gensan apan 130 ang gusto sa Trento Gaming Corporation.
Gibutyag ni Balboa nga wala kini personal nga nakadungog nga 45 ka STL outlets lang ang tugtan apan angayang kunhuran ang gidaghanon kung basehan ang unang operasyon nga dul-an sa 200 ka STL outlets.
