I-postpone ni Israel Prime Minister Benjamin Netanyahu ang desisyon sa aksyong militar sa Gaza hangtod sa sunod semana.
Sumala pa sa source nga mahitabo kini kung ang Hamas dili mouyon sa usa ka kasabutan sa hunong-buto
Ang lakang ni Netanyahu nahitabo taliwala sa mga dili pagsinabtanay sa sulod sa gobyerno sa Israel bahin sa umaabot nga mga aksyon niini sa Gaza.
Samtang ang uban nagsuporta sa maong plano sa paglibot sa Gaza City ug sa ubang mga population centers kung ang Hamas dili mouyon sa kasabutan, samtang ang uban gusto nga sakupon ang siyudad. Ang ubang mga ministro mipabor sa ubang mga plano.
Kaniadtong Huwebes, usa ka senior nga opisyal sa Israel ang nag-ingon nga ang Israel ug ang US nagtrabaho sa usa ka bag-ong kasabutan sa Gaza taliwala sa gitaho nga pag-atras sa Hamas gikan sa negosasyon alang sa usa ka hunong-buto ug usa ka kasabutan sa pag-hostage.
Giingon usab sa opisyal nga ang Israel ug US magtrabaho aron madugangan ang humanitarian aid samtang nagpadayon ang mga operasyon militar sa Gaza.
Samtang ang Hamas sa sayo pa miingon kaniadtong Huwebes nga sila committed sa pagpadayon sa negosasyon alang sa usa ka permanente nga hunong-buto ug ang hingpit nga pag-atras sa mga pwersa sa Israel gikan sa Gaza, apan giingon nila nga ang mga kondisyon sa Gaza kinahanglan una nga molambo sa una kini mahitabo.
