Ginaimbestigahan na sa mga pulis sa France ang ginaalegar nga death threats nga naangkon sa mga atleta sa Israel nga misalmot sa Paris Olympic Games.
Sumala sa Prosecutors office, ginaimbestigahan usab sa anti-cybercrime officers ang nahitabo nga pag-leak sa personal data sa mga atleta sa social networks.
Kahibaluan nga base sa pahayag sa Israeli National Cyber Directorate, migawas sa ilang imbestigasyon nga adunay Iranian hackers nga nagahimo sa social media channels aron mabalhag ang personal information sa mga myembro sa Israeli delegation og ginapadal-an usab sila sa mga makatulublag nga mga mensahe.
Tungod sa maong impormasyon, ang Israeli athletes sa Summer Games ang ginaubanan og elite tactical units og ginahatagan og 24 oras nga proteksyon sa tibuok nga panahon sa Olympics kun asa nagatabang pa mismo ang internal security service sa Israel.
