Nagpagawas og statement ang Supreme Leader sa Iran nga si Ayatollah Ali Khamenei human sa pagpang-atake sa Israel kagahapon sa buntag.
Gibutyag niini nga ang Israel ang nagsugod sa giyera og dili sila magsugot nga palabyon lang nila ang gihimo nga pagpang-atake.
Dugang ni Ali Khamenei, aduna gyod “grave consequences” ang gihimo sa Israel.
“The Zionist regime (Israel) will not remain unscathed from the consequences of its crime. The Iranian nation must be guaranteed that our response will not be half-measured,” kabahin sa iyang statement.
As of press time, adunay retaliatory attacks na nga ginahimo ang Iran.
Walay tulog ang mga residente ilabi na sa Tel Aviv og sa Jerusalem samtang adunay mga pagbuto sa ilang palibot.
“Life will become bitter for them, without a doubt. They should not think they struck and it’s over — no. They started this and triggered a war. We will not allow them to walk away unscathed from the great crime they have committed,” kabahin pa sa pahayag sa Iranian Supreme Leader.
Gikumpirma usab sa Israeli rescuers nga adunay pito ka mga tawo nga nasamdan tungod sa Iranian missiles, apan sa laing reports, 40 na ka mga tawo ang ginatambal sa Israeli hospitals.
Makit-an sa usa ka footage nga gi-igo ang usa ka high-rise building sa maong syudad.
Sumala sa Iran, ginatos ka ballistic missiles ang ilang gipaulan apan tubag usab sa Israeli military, wala makaabot sa 100 ka missiles ang napalupad sa Iran og gamay lamang ang nag-igo.
May impormasyon usab nga nagtabang ang United States aron nga ma-intercept ang Iranian missiles og adunay uban pa nga mga nasod sa Middle East nga nagtabang usab sa Israeli air defenses.
Kini nga atake sa Iran ang nahitabo human nga gibombahan usab sa Israel kagahapon sa buntag ang Iranian nuclear sites og giguba usab ang ilang military leadership sa Tehran.
Gitawag kini sa Iran nga deklarasyon sa gyera.
