-- ADVERTISEMENT --
Gikumpirma sa Islamic Revolutionary Guard Corps (IRGC) sa Iran niadtong Miyerkules nga ilang gitarget ang US Fifth Fleet sa Bahrain isip panimalos sa mga pag-atake sa US batok sa Iran.
Sumala sa taho ang mga pwersa sa IRGC Navy naglunsad og drone attack sayo karong buntag batok sa US Fifth Fleet sa Bahrain.
Kini kuno ang tubag sa IRGC sa mga pag-atake sa US sa teritoryo niini sa Jask, Sirik ug Qeshm.
Giingon usab sa grupo nga ang mga pag-atake sa US nakadaot sa usa ka communications tower sa Sirik ug nakadaot sa duha ka water reservoir sa distrito sa Bamani.
Hangtod karon, ang US Central Command wala pa’y gipagawas nga komento bahin sa maong pag-atake.
-- ADVERTISEMENT --
