Giangkon na sa Islamic State nga nailhan isip Islamic State Khorasan, o IS-K nga sila ang responsable sa pag-atake sa military hospital, sa Kabul, ang kapital sa nasud sa Afghanistan.
Matud pa ni Bombo International Correspondent Joel Tongal, ang hepe sa in-house security sa UNCHR nga base sa mga migawas nga report nga nagpadala ang ISIS og suicide bomber og attackers sa maong dakong ospital kung asa ang bed hospital ang naa sa 400 kabuok.
Ang sunod-sunod nga pagbuto nagersulta sa kamatayon sa 25 katao og 50 ang samaron.
Gibutyag ni Tongal nga gitarget matud pa sa ISIS ang ospital tungod luag ang seguridad.
Ang pagpang-atake matud pa sa military hospital ang nahitabo na matud pa kaniadtong 2017 nga gikonsidera nga labing maduguon nga nahitabo sa Afghanistan kung asa anaa sa kapin 30 ka indibidawal ang namatay ug 50 ang naangol.
Samtang gibutyag ni Tongal nga walay problema ang padagan sa Taliban sa Afghanistan apan naglisod sa karon ilabina nga nakasinati og winter season tungod ang ilang kuwarta gina-freeze sa US og Europe hinungdan nga bagsak ang ekonomiya.
