GENERAL SANTOS CITY- Dili garantiya nga makontrola ang kaso sa rabbies sa dakbayan tungod nga bakunado na ang mga binuhing iro kini ang giklaro ni Dr. Emil Gargaran sa City Veterinary office.
Sumala kaniya nga ang susi aron walay mabiktima nga mga indibidwal ang usa ka iro pinaagi lamang sa pagka responsable sa mga pet owner.
Kinahanglan matud pang kontrolon sa mga tag iya sa iro ug pabakunahan , nagpahimangno usab si Dr. Gargaran nga may atubangon nga silot ang mga irresponsable nga pet owner.
Gikadugang niini nga Kung mapaakan sa iro angayang hugasan og sabon nga panglaba og gilayon nga magpa-inject og anti rabies.
Wala girekomeda sa mga doktor ang tandok gumikan walay ebedensya nga makawala sa rabies.
Nasayran nga karong bulan sa Marso gitawag nga Rabies Awareness Month nga may tema nga “Rabies-free na pusa’t aso, kaligtasan ng pamilyang Pilipino.
