Nakurat ang mga tag-iya sa usa ka iring ug usa ka iro human nakita ang ilang mga binuhi nga sweet moments kauban sa lain-laing mga ilaga.
Gipaambit ni Erwin Estoque nga taga Nueva Ecija nga bag-o lang nanganak og tulo ka itoy ang iyang binuhing chihuahua nga si “Tiny”.
Apan usa ka adlaw, nakurat siya sa dihang namatikdan niya ang lain nga kolor sa hawla niini.
Apan tungod kay bag-ong nanganak si Tiny, nakahukom si Edwin nga ipahilayo kaniya ang ilaga, kinsa nakigdulog sa mga itoy tapad sa iro.
Samtang si Marcos Bangga, ang tag-iya sa iring nga si ginganlan ug “Cooper,” niingon nga ilang gipasagdan ang ilang binuhi sa ikatulong andana sa ilang balay aron magdula ug maglakaw-lakaw didto.
Apan usa ka adlaw niana, natingala sila sa pagkanaog ni Cooper gikan sa ikatulong andana nga may dala nga ilaga.
Apan imbes mopaak o mokaon niini, makita sa video nga gigakos ug gitilapan sa iring ang ilaga.
Matod ni Marcos, tulo na ka adlaw nga kauban ni Cooper ang ilaga sa wala pa sila nakahukom nga palayason ang “bisita” sa ilang binuhi.
