Nagpasidaan ang Iran nga maglunsad kini og “full-scale offensive” kung magpadayon pa ang mga pag-atake sa militar sa Estados Unidos.
Gihimo ni Mohsen Rezaei, usa ka taas nga opisyal sa Islamic Revolutionary Guard Corps (IRGC) ug military adviser ni Supreme Leader Mojtaba Khamanei, ang maong pasidaan.
Matud sa usa ka taho gikan sa state-owned media, kung magpadayon pa ang mga pag-atake sa Amerika sulod sa duha o tulo ka adlaw, ilusad na nila ang bug-os nga opensiba sa ilang pwersa.
Gipagawas ang maong pahayag human makompleto sa US ang ikapitong sunod-sunod nga adlaw sa pag-atake batok sa Iran, samtang mibalos usab ang Iran pinaagi sa pag-atake sa mga Arab allies sa Estados Unidos.
Gipasidaan usab sa lider militar sa Iran nga walay politikal nga utlanan ang luwas batok sa ilang opensiba ug miingon nga kinahanglan bayran sa US ang epekto sa mga pag-atake niini batok sa mga sibilyan nga imprastraktura sa ilang nasud.
