Nagpasidaan ang Iran nga ang mga base, pasilidad, ug mga kabtangan sa US mao ang ilang “lehitimong target” kung moatake ang US.
Kini nahitabo taliwala sa 10-15 ka adlaw nga ultimatum ni US President Donald Trump sa Iran aron makab-ot ang usa ka kasabutan sa nukleyar.
Si Iranian Ambassador to the United Nations Amir Saeid mihimo sa maisugon nga pahayag sa usa ka sulat nga gipadala kang UN Secretary General Antonio Guterres ug sa presidente sa Security Council.
Gikutlo sa sulat ang usa ka post sa social media ni Trump niadtong Miyerkules, diin iyang giingon nga ang US mahimong magkinahanglan og mga base militar sa UK, lakip ang usa sa usa ka isla sa Indian Ocean, kung ang Iran dili mohimo og kasabutan.
Sumala sa Iranian Ambassador, ang maong mga pahayag sa Presidente sa US nagpakita sa tinuod nga risgo sa agresyon sa militar, nga ang mga sangputanan niini makadaot sa rehiyon ug mahimong usa ka seryoso nga hulga sa internasyonal nga kalinaw ug seguridad.
Gikataho kaniadto nga ang Amerika nangandam sa paglunsad og atake sa Iran taliwala sa pagpadala ni Trump og mga barkong panggubat, mga fighter jet, ug uban pang pwersa militar sa Middle East aron mapugngan ang Iran sa paghimo og bomba nukleyar, usa ka butang nga gihimakak sa Tehran.
