Nagpahimangno ang Iran nga andam kini sa bisan unsang ground attack nga posibleng ipahigayon sa Estados Unidos, human sa mga taho nga adunay mga sundalong Amerikano nga nag-andam alang sa land assault.
Sumala kang Mohammad Baqer Qalibaf, giakusahan niya ang US nga nagpakaaron-ingnon sa pagtinguha og dayalogo samtang gihikay na diay ang militar nga aksyon.
Giingon usab niya nga bisan pa man sa panawagan sa US nga mosurender ang Iran, dili kini nila dawaton ug mosukol sila batok sa bisan unsang pagdaugdaug.
Gipasiugda sa Iran nga magpabilin silang lig-on ug andam sa pagdepensa sa ilang nasud batok sa posibleng agresyon.
Bisan pa niini, nahinumduman nga adunay mga paghisgot tali sa mga representante sa US ug Iran aron isulong ang usa ka peace plan alang sa posibleng pagtapos sa nagpadayon nga tensyon.
