Nagpasidaan si retiradong Gen. Jack Keane nga posibleng mas mahimong agresibo ang Iran sa umaabot nga mga adlaw samtang mosulod sa bag-ong hugna sa tensyon.
Matud ni Keane, posible nga naghunahuna ang Tehran nga magpanuko si US Pres. Donald Trump sa paglunsad og aksyong militar sa dili pa ang umaabot nga midterm elections sa Estados Unidos.
Gipadayag sa kanhing heneral nga nasayop na usab ang Iran tungod kay adunay igo ug andam nga kapasidad militar ang Amerika sa rehiyon aron hingpit nga mapugngan ang nasod kung magdesisyon ang presidente.
Migawas ang maong pasidaan human gipahayag ni Trump nga adunay “total control” ang U.S. sa Strait of Hormuz samtang nagpabiling walay kasabutan ang duha ka nasod bahin sa pag-abli sa maong importanteng agianan sa mga barko.
Samtang, gipadayag usab sa usa ka Iranian source nga walay nagpadayon nga negosasyon aron palawigon ang kasabutan niadtong Hunyo samtang paspas nga nagkaduol ang Agosto 17 nga deadline.
