Namahayag ang Presidente sa Iran nga si Masoud Pezeshkian nga dili niya gusto nga padugayon pa ang gubat sa Israel.
Hinuon, andam silang atubangon ang bisan unsang pag-atake sa ilang teritoryo.
Gihimo sa Presidente sa Iran ang pahayag sa dihang gitawag siya ni Turkish President Recep Tayyip Erdogan.
Giinsistir niya nga wala sila magsugod sa gubat, nga nakapatay na sa daghang mga sibilyan, lakip ang ilang mga siyentipiko ug mga lider sa militar.
Ang iyang pag-apil sa nukleyar nga panaghisgot uban sa US magdepende lang sa paghunong sa mga pag-atake sa Israel.
Ang presidente sa Turkey, sa laing bahin, nipasalig nga andam silang magpataliwala aron hingpit nga mahunong ug maminusan ang tensyon tali sa Israel ug Iran.
Kahinumdoman nga 24 ka mga tawo ang namatay sa Israel, samtang 592 ang naangol, samtang sa Iranian nga bahin, moabot sa 224 ka mga tawo ang namatay sukad sa pagsugod sa pag-atake sa Israel niadtong Biyernes.
