Namahayag si Iranian President Masoud Pezeshkian nga dili niya gusto nga padugayon pa ang gubat sa Israel.
Hinuon, andam silang motubag sa bisan unsang pag-atake sa ilang teritoryo.
Gihimo sa Presidente sa Iran ang pahayag sa dihang gitawag siya ni Turkish President Recep Tayyip Erdogan.
Giinsister niya nga wala sila magsugod sa gubat, nga nakapatay na sa daghang mga sibilyan, lakip ang ilang mga scientist ug mga military leaders nila.
Ang pag-apil niini sa nuclear talks uban sa US magdepende lamang sa paghunong sa mga pag-atake sa Israel.
Gipasalig ni Erdogan nga andam sila nga magpatunga aron hingpit nga mahunong ug makunhuran ang tensyon tali sa Israel ug Iran.
Kahinumduman nga 24 ka mga tawo ang namatay sa Israel, samtang 592 ang naangol, samtang sa Iran nga bahin, moabot sa 224 ka mga tawo ang namatay sukad sa pagsugod sa pag-atake sa Israel niadtong Biyernes.
