Andam na ang pagpangandam nga gihimo sa pamunuan sa Iglesia ni Cristo alang sa ‘National Rally for Peace’ karong adlawa Enero 13, 2025. Sa paglibot nga gihimo sa Bombo Radyo, anaa na sa 95 porsiyento nga kompleto ang ilang gamiton nga entablado, aduna usay mga banner nga gamiton sa matag distrito diin kini gamiton aron mas daling madeterminar sa mga sakop sa INC ang ilang lugar alang sa record.
Adunay usab mga medikal nga istasyon nga gitukod sa palibot sa Quirino Grandstand.
Samtang duha ka L.E.D Televisions ang gitukod sa entrance ug exit sa Qurino Grandstand nga adunay gidak-on nga kapin sa 3 metros ang gidak-on ug moabot sa upat ka metros ang gitas-on.
Dugang pa, ang INC nagtukod ug 17 ka command station gikan sa Padre Paredes St, Manila hangtod sa Qurino Grand Stand.
Mokabat sa 41 ka mga SCAN units o Society Communicator ug Network International ang gipakatap sa pamunoan sa INC gikan sa Lerma St., Manila paingon sa Qurino Grand Stand aron pagtabang sa mga kaigsoonan nga mutambong sa rally.
Dugang pa niini, adunay nagkatag nga outdoor portable toilets sa Roxas boulevard nga gipahimutang ug anaa usab sulod ug gawas sa Quirino Grandstand.
Ang mga awtoridad atubangan sa Qurino Grandstand gidid-an ang mga sidewalk vendors sa pagpamaligya aron pag-organisar sa maong rally.
