GENERAL SANTOS CITY – Mamahimo na nga magamit ang upat ka bag-ong gambalay sa LGU Malungon Sarangani human ang dungan nga turn over sa upat ka milyon nga kantidad sa proyekto atul s a usa ka seremonya nga gipahigayon.
Gisaksihan pa sa daghang opisyal sa nagkalain laing ahensiya sa gobyerno ang ribbon cutting sa pagpanguna ni Mayor Tessa Constantino.
Giangkon ni Mayor Constantino nga makatabang ug dako sa pagserbisyo sa mga Blaan ug Tagakaolo ang nahisgutang mga gambalay nga mao ang ABC Hall nga magamit nga Kasfala hall , Community-Based Rehabilitation Program Facility, Indigenous People’s Museum ug ang opisina sa MSWD.
Gipasigarbo usab sa Mayor nga magamit na ang evacuation facility nga gigahinan ug P30M. Matud niini nga dugay nang pangandoy sa mga tribal chieftain sa tribu nga Blaan ug Tagakaulo nga makapabarug sa sama nga pasilidad nga bisyon usab sa kanhi mga lokal lider sa lugar.
