‘Intimidating tactics’ sa monster ship sa China dili malampuson-NSC

Dili malampuson sumala sa National Security Council (NSC) ang makahahadlok nga mga taktika sa China Coast Guard (CCG) 5901 o monster ship sa China .

Sa press conference sa National Task Force for the West Philippine Sea (NTF-WPS), ang tigpamaba sa NSC nga si Assistant Director General Jonathan Malaya mipahibalo nga ang katuyoan sa presensya sa CCG vessel sa kadagatan sa PH mao ang paghadlok sa mga mananagat nga Pilipino apan matod niya napakyas ang CCG sa ilang gihimo nga makahadlok nga mga taktika.

Kalabot niini, siya miingon nga dili sila magduhaduha sa pagsuporta sa mga mananagat nga Pilipino ug dili mohunong sa paghagit sa presensya sa mga barko sa China sa kadagatan sa nasud.