GENERAL SANTOS CITY – Nakatala og Intensity IV nga pag-uyog sa yuta sa General Santos City og sa Alabel Sarangani Province bandang alas 9:49 sa gabie (Sept. 8, 2019) dungan sa adlaw nga natawhan ni Birheng Maria.
Kini dungan sa magnitude 4.8. nga mitay-og sa Jose Abad Santos, Davao Occidental.
Sa report sa Phivolcs, natala ang pagtay-og sa 19 kilometro sa Northeast sa maong lugar.
Aduna kini gilawmon nga 38 kilometro og tectonic ang origin sa pagtay-og.
Ania ang uban pang lugar nga nakasinati og medyo kusog nga linog:
Intensity III – Kiamba, Sarangani og Tupi, South Cotabato
Intensity II – Kidapawan City
Hinuon, walay natalang pagkadaut sa mga katigayunan og nasamdan sa GenSan og Sarangani human ang pipila ka minuto nga pagtay-og apan padayon gihapon ang asessment nga ginapahigayon sa CIty Disaster Risk Reduction and Management Office.
