GENERAL SANTOS CITY- Nasinatian ang pagtay-ug dinhi sa General Santos City bandang alas-11:33 kagabie.
Basi sa report gikan sa Philippine Institute of Volcanology and Seismology ( Phivolcs) nga gitay-ug sa magnitude 5.1 nga linog ang Sarangani, Davao Occidental alas-11:33 sa gabie.
Natala ang episentro sa linog sa gilay-ong 3 kilometro, amihanan kasadpan sa maong lugar.
Adunay gilawmon nga 165 kilometro ang pagtay-og og tectonic ang hinungdan.
Natala ang Intensity II sa Davao City og General Santos City.
Samtang natala usab ang instrumental instensity III sa Alabel, Sarangani Province.
Kahibaluan nga niadtong Sabado lang dihang natala ang Intensity II sa Davao City og General Santos City samtang Intensity III sa Alabel, Sarangani dihang gitaya-ug sa 5.4 magnitude ang Don Marcelino Davao Occidental.
