GENERAL SANTOS CITY – Gilauman nga duha ka semana sukad karon mahimong mas mudaghan na ang ma-test sa molecular laboratory sa Dr. Jorge Royeca Hospital gumikan sa pagpalit sa automated extraction machine.
Matud pa kang Dr. Ryan Aplicador, chief of Hospital sa Dr. Jorge Royeca Hospital nga padayon ang installation sa makina.
Sa iyang pamahayag nga sa pagkakaron anaa sa 35 ka test ang ilang mahimo kada adlaw human nga nagugod ang ilang operasyon sa miaging September 19 nga anaa sa 25 ang na-test.
Ang molecular laboratory ang ga-operate 12 oras kada adlaw gikan alas 8:00 sa buntag hangtud sa alas 8:00 sa gabii pinaagi sa manual extraction process sa gisumiti nga specimen.
Ang maong molecular laboratory ang nagkantidad og P15 million nga ang pondo ang gikan sa LGU GenSan og walay laing ahensya sa gobyerno nga naghatag og pinansyal nga hinabang.
Kahibaluan nga sa dihang wala pay license to operate ang maong molecular laboratory ang kasagarang specimen ang gipadala sa Southern Philippines Medical Center (SPMC) sa Davao City.
