Katungod sa mga akusado kansang kaso gidungog sa korte sa Pilipinas nga mo pasaka usab sa ilahang mga tagsa-tagsa ka mga memoranda ug uban pang mga papeles arun isip pagpalig-on sa ilahang depensa sa mga kasong gipasangil batok kanila.
Diin ang maong pagsang-at sa nasangpit nga mga papeles, tubagon na usab sa korte, kini matud pa ang rason nga malangan ang kasagarang mga kaso sa Pilipinas.
Sumala pa ni Atty. Hillary Olga Reserva, usa sa mga practicing lawyer sa Agusan del Norte, nga ang nahisgutang mga pamaagi, tipik lang sa mga rason kung nganong nalangan pag disisyon ang Sandigang Bayan sa kasong plunder ni kanhi Senate President Juan Ponce Enrile ug lain pang uban.
Kahinumduman nga ning nakalabayng adlaw, na acquit si Enrile ug ang kanhi niini chief-of-staff ingon man plunder co-accused nga si Jessica “Gigi” Reyes sa kasong plunder.
Pasabot ni Atty. Reserva nga hangtud wala pay desisyon ang Korte, presumed innocent pa ang akusado.
Gihimo usab nga panag-ingnan sa maong abogado ang kasamtangan nga sitwasyon nila ni Alice Guo ug ubang pang mga personalidad kansa gitaran sa Senado ingon man sa Kamara, diin bisna unsaon og husga sa mga yanong katawhan, bugtong ang korte ra gayud an mga desisyon kung sad-an ba ang mga niini o dili.
