GENERAL SANTOS CITY – Padayon ang kapulisan sa pag-imbestiga sa natigayong pagpamusil nga natigayon sa area of responsibility sa Lagao Police Station.
Ang biktima giila nga si Immanuel Garbo Dalos, 32 anyos nga residente sa Bula ning syudad.
Matud kang PMaj. Ruelito Lumiguid , COP Lagao PNP natigayon ang pagpamusil samtang ang biktima nagsakay sa iyang motorsiklo.
Sa imbestigasyon sa otoridad nga ang biktima gipusil sa riding in tandem criminals kung asa pulos nakasul-ob og long sleeves.
Gibutyag sa opisyal nga ang biktima nagpalit lang og isda sa Lagao, gituohang pauli na unta sa ilang balay dihang gipusil.
Dugang pa sa opisyal, ang biktima gahatag ug impormasyon sa kapulisan sa kinsa mang indibidawal nga nalambigit sa ilegal nga droga sa lugar.
Narekober sa crime scene ang 8 ka empty shell sa caliber 45 pistol.
Ang biktima nakaangkon ug daghang samad pinusilan sa wala nga bahin sa kilay, likod og paa.
