Nipirma na ug kasabutan ang Pilipinas ug Indonesia aron sa hingpit nga pagpapauli kang Mary Jane Veloso sa nasud.
Matud ni Justice Undersecretary Raul Vasquez , nakaistorya niya si Indonesian senior law and human rights minister Yusril Ihza Mahendra sa Jakarta ug didto gihimo ang pag pirma sa maong kasabutan.
Human sa pagpirma, hisgutan sa mga awtoridad ang pipila ka mga detalye sa embahada sa Pilipinas sa Jakarta bahin sa pagbalhin kang Veloso.
Mamahimong dili na kaabot sa Disyembre 25 mabalhin na sa nasud si Veloso.
Dugang pa ni Yusril nga nakalatid sa kasunduan ang paghatag ug tibuok obligasyon sa Pilipinas sa paghatag ug giya kang Veloso.
Giklaro pa ni Vazquez nga walay gitakdang kondisyon ang gobyerno sa Indonesia alang sa pagbalhin niini.
Kahibaluan nga si Veloso ang naluwas sa silot nga kamatayon sa indonesia tungod sa pagdala ug ilegal nga drugas kaniadtong 2015 .
