Nagpadala ang gobyerno sa Indonesia og dugang nga 1,500 ka sundalo ngadto sa Borneo aron makatabang sa pagpakigbatok sa mga sunog nga mikaylap sa nagkadaiyang bahin sa isla ug nakapahinabo og baga nga aso.
Matud sa gobyerno sa Indonesia, kapin 200,000 ka ektarya nga yuta ang nasunog gikan Enero hangtod Hulyo ning tuiga tungod sa uga nga kahimtang nga gipasamot sa kusog nga El Niño weather pattern.
Gimando ni Indonesian President Prabowo Subianto ang pagdugang sa deployment sa mga sundalo atol sa iyang pagbisita sa rehiyon karong Sabado.
Sumala kang Indonesian Cabinet Secretary Teddy Indra Wijaya, tulo ka dugang nga battalion sa Indonesia National Armed Forces, nga adunay mokabat sa 1,500 ka personnel, ang ipadala ngadto sa Kalimantan, ang bahin sa Indonesia sa isla sa Borneo.
Dugang pa, unom ka helicopter ang ipadala aron makatabang sa operasyon sa pagbu-bu og tubig ngadto sa mga dapit nga nasunog.
Matud ni Presidente Prabowo, hugot nilang ginamonitor ang sitwasyon ug gipakilos na ang mga kahinguhaan aron mapugngan ang pagkaylap sa mga sunog.
