Gikumpirma sa Indonesian Gymnastics Federation nga ang mga atleta gikan sa Israel dili tugutan nga makasulod sa nasud alang sa World Artistic Gymnastics Championships nga ipahigayon sa Jakarta gikan sa Oktubre 19-25.
Matod sa federation chair nga si Ita Yuliati, ang International Gymnastics Federation (FIG) misuporta sa desisyon sa gobyerno sa Indonesia nga dumilian ang visa sa mga atleta sa Israel, isip kabahin sa suporta sa nasod alang sa kagawasan sa Palestine.
Ang FIG nagdumili sa pag-isyu sa usa ka opisyal nga pahayag sa isyu.
Si Raja Sapta Oktohari, presidente sa National Olympic Committee sa Indonesia, miingon nga andam ang nasud sa bisan unsang epekto sa ilang desisyon, bisan kung nagplano sila nga mo-bid para sa 2036 Olympics.
Dili kini ang unang higayon nga gikansela sa Indonesia ang usa ka internasyonal nga kalihokan sa dula tungod sa pagsupak sa pag-apil sa Israel. Niadtong 2023, nawad-an usab sila og katungod sa pag-host sa FIFA U-20 World Cup ug mi-withdraw sa ANOC World Beach Games.
