GENERAL SANTOS CITY – Nanawagan nga ang mga peace advocate dinhi sa dakbayan sa Gensan nga mubalik na sa sabakan sa gobyerno ang mga nahibilin pang miyembro sa New People’s Army ug padayong nakigbisog sa walay pulos nga baruganan.
Nahitabo kini atol sa gipahigayong indignation rally sa nasangpit nga mga grupo kagahapon dungan sa ika-52 ka tuig nga anibersaryo sa NPA.
Tumong sa maong protesta mao ang pagpakita ug suporta sa lakang sa gobyerno aron mahuman na ang pagpangilad sa teroristang grupo.
Sa pakighinabi sa Bombo Radyo, gibutyag ni Police Major Risa Hernaez, ang tigpamaba sa General Santos City Police Office nga padayon ang monitoring sa GSCPO apan walay nakit-ang presensya sa NPA sa dakbayan.
Kung aduna man madawat ang kapulisan kalabotan sa walhong grupo, gilayong ginaberepika apan negatibo ang maong taho.
Gi-awhag ni Hernaez ang mga kabatan-unan nga dili magpadala sa mga saad ug pasalig sa walhong grupo aron nga dili masusama sa mga kabatan-unang namatay panahon sa engkwentro tali sa pwersa sa militar ug kapulisan nga unang na-recruit sa mga legal front sa CPP-NPA
