Target sa Armed Forces of the Philippines (AFP) nga madugangan ang ilang kahimanan sa gubat pinaagi sa pagpalit og mga bag-ong ekipo.
Lakip sa mga target nga nakuha sa AFP mao ang short-range missile system nga hinimo sa India ug duha ka submarino.
Matod ni AFP Chief Gen. Romeo Brawner, Jr., ubos sa AFP Modernization Program – Horizon 3, ang militar nigahin ug pundo gikan sa P80 bilyones ngadto sa P20 bilyones alang sa submarine acquisition. Ang inisyal nga mga target dinhi mao ang diesel-electric nga mga matang sa mga submarino.
Dinhi nagplano ang militar nga makakuha og duha ka submarino, lakip ang pagbase sa imprastraktura ug uban pang logisticalneeds.
Matod niya nga dako ang panginahanglan sa nasud nga makaangkon og mga submarino tungod sa archipelagic geographic sa nasud.
Ang ikaduhang hinagiban mao ang Akash surface-to-air missiles gikan sa Bharat Dynamics nga nakabase sa India.
Matod ni Gen. Brawner, posibling mo-order ang Pilipinas sa sunod nga quarter diin gipaabot nga mokantidad kini og $200 million.
