Gitudlo nga hinungdan sa kamatayon sa kinse anyos nga batang lalaki ang Indian doctor nga gagamit ug mga video aron sa pangtangtang sa gallbladder stones.
Usa siya ka doktor sa Ganpati Hospital sa Bihar State Saran nga giingong walay kahibalo sa pag-opera.
Matud sa pamilya sa biktima nga ilang gidala sa hospital ang bata human nagsakit ang tiyan.
Gilayon nga gioperahan sa doctor ang bata nga wala mangayu ug pagtugot sa pamilya nga nagresulta sa komplikasyon .
Matud sa mga kabanay nga kulang sa kahibalo ang doktor hinungdan sa pagkamatay sa bata.
Kini human nakit-an ang doktor nga nagtan-aw ug tutorial video aron tangtangon ang gallbladder stones.
Human matud pa na operahan imbes makarekober ang bata naluya kini ug gireklamo ang pagpanakit sa samad.
Misamot ang kondisyon sa bata hinungdan nga gibalhin sa laing tambalanan apan didto nahunusan sa kinabuhi.
