GENERAL SANTOS CITY – Nagmahay si Shiela Mae Romero ang inahan ni Princess Arriane Cabucos nga wala dad-a ang anak didto sa kauluhan human gipiyal sa iyang inahan nga apuhan sa biktima.
Gisaysay ni Romero nga may mga pahayag pa nga angayan isulti ang anak sa kaso nga ilang gipasaka batok kang JR Cabucos.
Gikadugang ni Romero nga nagpasaka sila ug kaso nga lugos sa nahisgutan samtang gipaabut ang mamahimo nga resulta.
Kung nasayod lang unta nga musampot sa kamatayon ang pagbilin sa anak mas maayo pa unta nga iyang gikuyog didto sa kauluhan.
Gani kagahapon nahidangat sa ilang panimalay sa Brgy. Conel ning syudad si Romero naabtan niini nga naa na sa lungon ang syete anyos nga anak.
Nakabungat kini nga dili tawo ang mipatay sa anak human kini gibaboy.
Giangkon niini nga ulahi na ang iyang pagbasol ug dili na mabuhi pagbalik ang iyang anak hinungdan nanawagan sa suspek nga musurender na lamang ug atubangon ang gihimo nga kaso.
