GENSAN– Giangkon ni Daisy Sijub nga lisod kaayong dawaton nga namatay ang iyang anak si Sergeant Yves human nga nahagsa ang gisakyan nilang helicopter atol sa humanitarian ug disaster response mission sa Agusan del Sur human sa paghuros sa bagyong Tino.
Matod niini, sakit kaayo nga mawad-an og anak.
Gibutyag usab nga bata pa kaayo ang anak niya diin gibiyaan ang duha ka anak og asawa nga usa ka OFW sa Kuwait.
Sa pamahayag sa nasampit, dili gusto sa anak niya nga adunay sunod nga mahimong sundalo sa ilang pamilya tungod nakahibalo kini unsa kalisod ang maong trabaho.
Sa karon, gihaya sa ilang balay sa Barrio Blaan, Barangay Labangal si Sergeant Yves, usa sa unom ka miyembro sa Philippine Air Force nga namatay sa pagkahagsa sa Super Huey helicopter sa Agusan del Sur.
