GENERAL SANTOS CITY – Patung-patong nga kaso ang giatubang sa usa ka inahan gumikan sa gihimong pagpangmolestiya sa duha ka anak nga gikuhaan ug video ug gipadala sa iyang ka-chat.
Kasong pagsupak sa Anti-Child Pornography ug Anti-Child Abuse Law ug Qualified Trafficking ang giatubang ni Alyas Julie, 27-anyos, human maaresto sa gipahigayong raid sa mga ginsakpan sa National Bureau of Investigation (NBI) ug City Social Welfare and Development Office (CSWDO) miaging adlaw.
Nasayran nga nakadawat matud pa ang NBI ug report gikan sa Department of Justice human nagpaabut ug taho sa naasoy nga buhatan ang US-based NGO nga National Center for Missing and Exploited Children.
May kalabutan kini sa pangmolestiya sa suspek sa 7 ug 4-anyos nga anak.
Base sa report, ginakuhaan matud pa ug hulagway ug video ang duha ka anak samtang ginamolestiya ug ginapadala sa mga pornsite.
Gikabutyag nga narekober gikan sa suspek ang mga cellphone nga gigamit sa kabastusan lakip na ang mga resibo gikan sa money courier.
