Inahan hustisya ang singgit para sa gi-rape nga anak
GENSAN – Galaum ang inahan sa 17-anyos nga dalaga nga biktima sa pagpanglugos sa AOR sa Makar Police Station nga madakpan ang lain pang usa sa mga suspek nga milugos sa iyang anak.
Sa pakighinabi sa Bombo Radyo, nagdangoyngoy nga naghilak ang inahan sa pag-atubang sa kapulisan human nga na-atubang niini ang usa ka 17 anyos nga unang nasikop human gitudlong responsable sa paglugos sa biktima.
Gani, giangkon sa inahan nga wala siya sa ilang balay pagkagabie niadtong gilugos ang iyang anak tungod nagtrabaho. Una ng nasayran nga ang biktima kauban ang 15 anyos nga igsuon og nag-inom kung asa naabtan og kaadlawon.
Sa ilang pag-uli, miagi ang duha sa creek kung asa giatangan matud pa sa mga suspek ug ang biktima ang gidala sa bakanteng balay ug gilugos.
Pagkakaron, padayong gipangita sa mga sakop sa Makar Police Station ang lain pang usa sa mga suspek.
Nanawagan si P/S/Insp. Robert Fores, deputy station commander sa maong presinto, ngadto sa 20-anyos nga suspek nga mutahan na aron personal nga makahatag usab sa iyang pagpaklaro.
Kahibaluan nga gitugyan na sa nasampit nga presinto ngadto sa Social Welfare and Development Office ang duha ka suspek nga pulos menor de edad.
