Importansya sa mga pawikan sa kadagatan gipaambit sa CENRO-Gensan isip kabahin sa World Sea Turtle Day Celebration

GENERAL SANTOS CITY – Gipaambit ni Allan Marcilla, Department Head sa CENRO Gensan, ang importansya sa mga pawikan sa atong kadagatan.

Matud pa sa nasampit nga ang mga hugaw sa mga pawikan ang magsilbing fertilizer sa mga sea grasses, kon asa ang mga sea plants ang maka-contribute kon makatabang sa produksyon sa oxygen dili lang sa mga mananap sa kadagatan apan satuang mga katawhan usab.

Kini nga pamahayag ang nag alayon sa pagsaulog sa World Sea Turtle Day karong adlawa, Hunyo 16, 2023.

Ang maong aktibidad ang maghisgot sa paghatag og pagtagad og mga aksyon alang sa pag-preserbe sa mga pawikan.