Gipahayag ni Professor Andy Villa sa Mindanao State University nga taas-taas na ang gidagan sa impeachment trial ni Vice President Sara Duterte, nga karon anaa na sa ika day 14 sa pagpadayon sa mga proceedings.
Matud ni Prof. Villa, nakita niya ang duha ka bahin sa pagdagan sa impeachment trial. Sa usa ka bahin, nagpadayon ang proseso sumala sa gipaabot ug gitakdang pamaagi.
Apan sa pikas bahin, naobserbahan usab niya nga adunay pipila ka mga tao nga daw nakaabot na sa gitawag nga “impeachment fatigue,” tungod sa kadugayon sa proceedings ug sa nagkadaghan nga technical nga mga hisgutan.
Sumala ni Villa, ang pagka-komplikado sa pipila ka mga isyu ug proseso sa impeachment trial mahimong usa sa mga hinungdan nganong mikunhod ang interes sa publiko ug adunay uban nga dili na kaayo makasunod sa dagan sa mga proceedings…
Gipasabot niya nga samtang nagpadayon ang impeachment trial, usa sa mga hagit mao ang pagpabiling interesado ug updated sa publiko, ilabina kon ang mga diskusyon nahimong mas technical ug komplikado.
